सन् २०२३ को अगस्ट महिनामा ६७ हजार पर्यटक नेपाल भित्रिएका छन्। पर्यटन बोर्डले दिएको सूचना अनुसार अगस्टमा ६७ हजार १५३ पर्यटक भित्रिएका हुन्।
अघिल्लो महिना (जुलाई)मा ५७ हजार पर्यटक भित्रिएका थिए। जुलाइको तुलनामा अगस्टमा नेपाल आउने पर्यटकको संख्या केही बढेको देखिन्छ।
अगस्टमा सबैभन्दा धेरै भारतीय पर्यटक आएका छन्। बोर्डकाअनुसार भारतबाट २६ हजार ६६५, चीनबाट ५ हजार २७, अमेरिकाबाट ४ हजार ६२९, श्रीलंकाबाट ३ हजार ८५८, बंगलादेशबाट ३ हजार १९० पर्यटक आएका छन्।
त्यस्तै बेलायतबाट २ हजार ७११, स्पेनबाट १ हजार ५८८, जापानबाट १ हजार ५२०, इटालीबाट १ हजार ४९६ र अष्ट्रेलियाबाट १ हजार ३४७ पर्यटक नेपाल आएका हुन्।
