बंगलादेशको ढाकामा सम्पन्न १२औं एसियन पर्यटन मेलामा नेपाल पर्यटन बोर्डले नेपाल पर्यटक स्वागतका लागि तयार रहेको सन्देश दिएको छ।
असोज २ देखि ४ गतेसम्म कन्वेन्सन सिटी बासुन्धरामा भएको मेलामा नेपालका पर्यटन व्यवसायिक कम्पनीहरूको यो पहिलो ठूलो सहभागिता भएको बोर्डले जनाएको छ।
नेपालका लागि बंगलादेशस्थित राजदूत घनश्याम भण्डारीले मेलामा सम्बोधन गर्दै नेपालको पर्यटन उद्योगले चुनौतीपछि पनि छिटो पुनरुत्थान गर्न सक्ने क्षमता रहेको बताए।
मेलामा नेपाल पर्यटन बोर्डसहित १० वटा नेपाली कम्पनी सहभागी भएका थिए। स्टलमार्फत प्याकेज र सेवाहरू प्रस्तुत गरिएको थियो भने आगन्तुकहरूले हालैको आन्दोलनपछिको नेपालको अवस्थाबारे चासो देखाएका थिए।
बोर्डका अनुसार बंगलादेश नेपालका लागि तीव्र गतिमा बढ्दो पर्यटक बजार बन्दै गएको छ, जसले दुवै देशबीचको पर्यटन सम्बन्धलाई अझ बलियो बनाउने अपेक्षा गरिएको छ।
-1758107792.jpg)
-1758342751.jpg)
-1746513231.jpg)
-1746009348.jpg)
