बीमा प्राधिकरणको अध्यक्षको लागि १२ जनाको आवेदन परेको छ।
आवेदन दिनेमा कमल प्रसाद रेग्मी, शरद ओझा, चिरञ्जिवी चापागाईं, विष्णुबाबु मिश्र, बुद्धकाजी श्रेष्ठ, दामोदर बसौला, डिम प्रसाद पौडेल छन्।
त्यस्तै, रामशरण पुडासैनी, विक्रान्त पाण्डे, रमण नेपाल र विनोदकाजी श्रेष्ठको आवेदन परेको हो।
गत मंसिर २४ गते अख्तियार दुरूपयोग अनुसन्धान आयोगले कीर्ते र भ्रष्टाचारमा सूर्यप्रसाद सिलवालविरूद्ध विशेष अदालतमा मुद्दा दायर गरेको थियो। त्यसयता अर्थ मन्त्रालयका सहसचिव मदन दाहालले प्राधिकरणमा अध्यक्षको जिम्मेवारी सम्हाल्दै आएका छन्।
प्राधिकरणको अध्यक्ष पदमा नियुक्तिका लागि सिफारिस गर्न अर्थ मन्त्रालयले समिति गठन गरेको थियो।
समितिले गत पुस २६ गते प्राधिकरणको अध्यक्ष पदका लागि आवेदन आह्वान गरेको थियो।
माघ ११ गते कार्यालय समयभित्र आवेदन दिन सकिने व्यवस्था गरिएको थियो।
