गायक तथा संगीतकार दाजुभाई सत्यराज र स्वरुपराज आचार्यको स्वर तथा संगीतमा 'मैसाब' बोलको गीत ल्याएका छन्।
कवाली शैलीको यस गीतको संगीत पनि उनीहरूले तयार गरेका हुन् भने शब्दमा उनीहरूलाई अमृत खतिवडा 'भान्जाभाइ'ले साथ दिएका छन्।
कविराज गहतराजको निर्देशनमा तयार भएको भिडिओमा पल शाह दोहोरो भूमिकामा देखिएका छन्।
यस्तै भिडिओमा सिक्कीमेली सुन्दरी छुकिला शेर्पाको समेत अभिनय रहेको छ।।
गायक स्वरूप आचार्यले यो म्युजिक भिडिओ आफुहरुको सांगितीक करियरमा आजसम्मकै सर्वोत्कृष्ट भिडिओ बनेको बताए।
‘यसका उच्च आदरार्थी शव्द प्रयोग गरिएका छन्। रोयल तामझामका साथ सुटिङ गरिएको छ। हामीलाई प्रायः स्याड सङमा मन पराइएको थियो। धेरैपछि रोमान्टिक-डान्सिङ् नम्बर ल्याएका छौँ’, उनले भने।
‘यो हाम्रो ३ वर्षपछिको एल्बम हो। वास्तवमा हामीले यो गीत अमेरिकाको सांगीतिक यात्राका क्रममा बनाएका थियौँ। यसको कम्पोजचाहिँ कवाली गजल टाइपको छ, एरेञ्जमेन्टचाहिँ मोडर्न डान्सिङ् नम्बरमा गरिएको छ। लामो समयपछि आएको भएर हामीले मास र क्लासलाई ध्यान दिएका छौं’ स्वरुपराजले थपे।
-1742801159.jpg)
