सडक दुर्घटनमा मृत्यु भएका गैर आवासिय नेपाली संघ कतारका सह-कोषाध्यक्ष झविन्द्र आचार्यको को शव नेपाल ल्याइएको छ।
कतारमा व्यवसाय गर्दै आएका आचार्यको बुधबार कतारको अबुहमर रोडमा दुर्घटनामा परी मृत्यु भएको थियो।
आचार्यको शव काठमाडौंबाट गुल्मी पुर्याइएको एनआरएनएका सिइओ राजेन्द्र कुमार राउतले सेतोपाटीलाई बताए।
'कतारमा रहेको नेपाली दुतावास र एनआरएनए कतारको पहलमा शवलाई काठमाडौं ल्याइएको हो। एनआरएनए अध्यक्ष बद्री केसीको पहलमा हामीले गुल्मी पठाएका हौं,' राउतले भने, 'काठमाडौंबाट गुल्मीको छाप हिले मालिका–५मा हेलिकप्टरमार्फत शव पठाइएको हो।'
आचार्य सन् २०१२ मा कामदार भिसामा कतार गएका थिए।
