धनगढी उपमहानगरपालिकाकाे मेयरमा गाेपाल हमालकाे जित निश्चित भएको छ।
उपमहानगरपालिकामा जम्मा खसेकाे ६३ हजार ७ सय १५ मतमध्ये बिहानसम्म भएको ५१ हजार ६५ मतगणना हुँदा हमालले २२ हजार ५ सय ४१ मत प्राप्त गरेका छन्।
उनका निकटतम प्रतिद्वन्द्वी गठबन्धन तर्फबाट कांग्रेसका नृप वडले ११ हजार ५ सय ४४ मात्रै मत पाएका छन्। हमाल वडभन्दा १० हजार ९ सय ९७ मतले अगाडि छन्।
हमालले वडभन्दा भारी मत प्राप्त गरिसकेकाले उनकाे जित निश्चित भएको छ।
एमालेका रणबहादुर चन्दले भने ६ हजार ४ सय २३ मत प्राप्त गरेका छन्।
उपमेयरका लागि भने एमालेका कन्दकला रानाले १० हजार ८ सय ८० मत प्राप्त गरेकी छन्।
यस्तै, गठबन्धनका तर्फबाट माओवादीकी उपमेयर उम्मेदवार शान्ति अधिकारीले १० हजार ७ सय २ मत प्राप्त गरेकी छन्।
यस्तै, स्वतन्त्र उम्मेदवार प्रभाकर भण्डारीले भने ६ हजार मत पाएका छन्।
अब धनगढीमा १२ हजार ६ सय ५० मत गन्न बाँकी छन्।
