चितवनको भरतपुरमा सत्ता गठबन्धनकी साझा उम्मेदवार रेनु दाहालले अग्रता बढाएकी छन्। सार्वजनिक भएको पछिल्लो मत परिणाम अनुसार रेनुले ३२२२ मतको अग्रता बनाएकी हुन्।
५६ हजार ८४५ मत गणनामा रेनुले २१ हजार ४९२ मत पाउँदा उनलाई राप्रपासँग गठबन्धन गरेको नेकपा एमालेका उम्मेदवारले पछ्याइरहेका छन्। गठबन्धनका साझा उम्मेदवार विजय सुवेदीले १८ हजार २७० मत पाएका छन्।
स्वतन्त्र उम्मेदवार जगन्नाथ पौडेलले ८१३३ मत पाएका छन्। उनी दुई प्रतिष्पर्धी उम्मेदवारभन्दा निकै पछि छन्।
उपमेयरतर्फ पनि सत्ता गठबन्धनले फराकिलो अग्रता बनाएको छ।
सत्ता गठबन्धनका साझा उम्मेदवार नेपाली कांग्रेसका चित्रशेन अधिकारीले प्रतिष्पर्धि राप्रपाका उम्मेदवारभन्दा ९८३३ मतले अघि छन्।
अधिकारीले २३८६१ मत पाउँदा एमालेसँग गठबन्धन गरेको राप्रपाकी उम्मेदवार हिमला गुरूङले १४०२८ मत पाएकी छन्।
