काँठे भाका 'पानी सलल' को भिडिओ सार्वजनिक गरिएको छ।
आइतबार एक कार्यक्रमकाबीच राष्ट्रिय सभा उपाध्यक्ष विमला घिमिरे, व्यवसायी श्याम डंगोल, कलाकार राजिव मानन्धर, भिडिओका निर्देशक सुरज खनाल लगायतले गीतको लोकार्पण गरेका हुन्।
सो अवसरमा गीतलाई शुभकामना दिँदै राष्ट्रिय सभा उपाध्यक्ष घिमिरेले देश र जनताको हितमा गीत–संगीत सिर्जना हुनुपर्ने बताइन्। सही सन्देश दिने खालका गीतहरू गाउनुपर्ने उनको भनाइ थियो।
'पानी सलल' गीतमा पार्वती कार्की र गोविन्द दुलालले स्वर दिएका छन्। शब्द, संगीत पनि गोविन्द दुलालको हो भने एरेन्ज राकेश सोनीले गरेका हुन्। भिडिओमा सुवी शाही र मोहन डंगोलको अभिनय छ।
इभा फिल्मस् प्रा.लीको प्रस्तुति रहेको ‘पानी सलल’ को भिडिओलाई सुरज खनालले निर्देशन गरेका हुन्।
कार्यक्रममा गायक बैकुण्ठ महत, भिडिओका निर्देशक खनाल, इभा प्रा.लीका प्रोपाइटर तथा कलाकार श्याम खनाल, गायक मोतीराज खनाल लगायतले गीतलाई स्रोता–दर्शकले रूचाउने विश्वास व्यक्त गरे।
सो अवसरमा भिडिओ निर्देशक, कोरियोग्राफरदेखि कलाकारसम्मलाई राष्ट्रिय सभा उपाध्यक्ष घिमिरेको हातबाट प्रशंसापत्र समेत वितरण गरियो।
भिडिओमा शिवजी क्षेत्रीको कोरियोग्राफी, शिव बिकको छायाँकन, बिनोद बमको सम्पादन छ।
