गायिका वर्तिका एम राईले अमेरिकामा सांगीतिक प्रस्तुति दिने भएकी छन्। उनले नोभेम्बर २४ मा अमेरिकाको टेक्सासमा सांगीतिक प्रस्तुति दिन लागेकी हुन्।
फेम नेपालको आयोजनामा हुन लागेको कार्यक्रममा वर्तिकासहित डायस्पोराका अन्य सांगीतिक समूहले पनि प्रस्तुति दिनेछन्। कार्यक्रममा बज्र ब्याण्ड, सनिर र म्याड हनी समेत हुनेछन्।
टेक्सासको नकआउट स्पोर्टस बारमा हुने कार्यक्रममा वर्तिकाले आफ्ना हिट गीत प्रस्तुत गर्नेछिन्। पछिल्लो समय युवा पुस्तामा चर्चित भएकी वर्तिकाको थुप्रै गीत हिट छन्। फेम नेपालको वेबसाइटबाट कार्यक्रमको टिकट खरिद गर्न सकिन्छ।
