सिन्धुपाल्चोककी गंगा सोनाम नेपाल आइडल विजेता बनेपछि गीत रेकर्डिङमा व्यस्त बनेकी छन्। उनी हिजोआज दिनकै नयाँ गीत रेकर्ड गराइरहेकी छन्।
नेपाल आइडल सिजन ६ को विजेता बनेपछि गंगाले दुई दर्जन बढी गीतमा स्वर दिएकी छन्। त्यसमध्ये 'गुनासो' र 'रातो गुलाव' गरी दुईवटा गीत सार्वजनिक भएका छन्।
'तय भएका अझै ३० वटाजति गीत गाउन बाँकी छ। धेरैले माया गरेर गीत गाउन दिनुभएको छ,' उनले भनिन्।
गंगाले फिल्मको गीतमा समेत स्वर दिएकी छन्। स्वस्तिमा खड्काको शीर्ष भूमिका रहने फिल्म 'लालीबजार' का लागि गंगाले गीत रेकर्ड गराएकी छन्। कृष्ण भारद्वाजको संगीतमा उनले यो फिल्मको लागि गीत रेकर्ड गराएकी हुन्।
अन्य फिल्मका गीतका लागि पनि कुरा आइरहेको उनले बताइन्। गंगालाई गीत छनोटमा गायक रामकुमार नेपालीले सहयोग गरिरहेका छन्। नेपाल आइडलको मञ्चसम्म पनि गंगालाई रामकुमारले नै लगेका थिए।
सोमबार मात्रै गंगाले चर्चित गायिका रचना रिमालसँग समेत भेटेकी थिइन्। त्यसक्रममा यी दुईबीच पनि छिट्टै सहकार्य हुने कुरा भएको छ।
यो पनिः २० वर्षीया गंगा सोनामको नेपाल आइडल यात्रा
-1746009348.jpg)
