उदय सुब्बा निर्देशित फिल्म 'दुई कदम' को नयाँ गीत सार्वजनिक भएको छ।
सोमबार ओएसआर डिजिटल युट्युब च्यानलमार्फत फिल्ममा समावेश 'कागभन्दा कोइली चलाख' बोलको गीत सार्वजनिक गरिएको हो। गीतमा गौरव पहारी, इओन लिम्बु, सिमोन गिरी, विल्सनविक्रम राई, विमला लिम्बु र गीता ढुंगाना फिचर्ड छन्। गीतलाई रामजी लामिछानेले कोरियोग्राफी गरेका हुन्।
प्रताप दास र मेलिना राईको स्वर रहेको गीतमा डिपी खनालको शब्द र विकास चौधरीको संगीत छ।
अजम्बरी फिल्म्सको ब्यानरमा निर्माण भएको फिल्ममा तारा देवी लिम्बुको लगानी रहेको छ। फिल्ममा इओन लिम्बु, सिमोन गिरी, सुनिल थापा, कविता आले, सुरवीर पण्डित, प्रेम सुब्बा, गौरव पहारी, बुद्धि तामाङ, अर्जुन गुरुङ, बिमला लिम्बु, जीवन लिम्बु, चन्दा दाहाल, प्रितिका शर्मालगायत कलाकारको अभिनय छ।
दयाराम घिमिरेको कथा तथा पटकथा लेखन रहेको फिल्ममा विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन रहेको छ। फिल्मलाई रिच इन्टरटेनमेन्ट र एफडी कम्पनीले वितरण गर्दैछन्।
यो फिल्म मंसिर २९ गतेदेखि प्रदर्शन हुँदैछ।
