बलिउड अभिनेत्री करिश्मा कपुरका पूर्वश्रीमान सञ्जय कपुरको निधन भएको छ। भारतीय सञ्चार माध्यम हिन्दुस्तान टाइम्सका अनुसार ५३ वर्षीय सञ्जयको बिहीबार हृदयघातका कारण मृत्यु भएको हो।
अटो कम्पोनेन्ट निर्माण कम्पनी सोना कमस्टारका अध्यक्ष सञ्जयलाई बेलायतमा पोलो खलिरहेका बेला हृदयघात भएको थियो।
सञ्जय र करिश्माको सन् २००३ मा बिहे भएको थियो। उनीहरूका एक छोरा र एक छोरी छन्। सन् २०१६ मा उनीहरूको सम्बन्ध विच्छेद भएको थियो। तर दोस्रो सन्तान जन्मिएलगत्तै करिश्मा र सञ्जय अलग बस्न थालेका थिए।
करिश्माले सञ्जयले आफूमाथि शारीरिक तथा मानसिक दुर्व्यवहार गरेको आरोप लगाएकी थिइन्।
सम्बन्ध विच्छेदपछि सञ्जयले मोडल तथा व्यवसायी प्रिया सचदेवासँग बिहे गरेका थिए। उनीहरूका पनि एक छोरा छन्।
