अभिनेता करण सिंह ग्रोवर र अभिनेत्री जेनिफर विन्गेट एक समय टेलिशृंखलाका चर्चित जोडी थिए।
उनीहरूले विवाह गरेका थिए। तर केही समयपछि उनीहरूको सम्बन्ध टुट्यो। भारतीय सञ्चारमाध्यम दैनिक भास्करका अनुसार करिब ११ वर्षपछि उनीहरूले एकसाथ काम गर्न लागेका हुन्।
उनीहरू आगामी रियालिटी शो 'द ट्रेटर्स' मा देखिने बताइएको छ। शोमा उनीहरूसँगै राज कुन्द्रा, रफ्तार, अपूर्वा मुखीजा, मुनव्वर फारूकी, उर्फी जावेद, करण कुन्द्रा, जास्मीन भसीन लगायत सहभागी हुनेछन्। तर प्रतिस्पर्धी र मेकर्सले औपचारिक रूपमा जानकारी दिएका छैनन्।
यो शो १२ जुनदेखि प्राइम भिडिओमा स्ट्रिम हुनेछ।
करण र जेनिफरले सन् २०१२ मा विवाह गरेका थिए। तर दुई वर्षमै उनीहरूले सम्बन्ध विच्छेद गरेका थिए। जेनिफरसँग सम्बन्ध विच्छेद गरेपछि करण अभिनेत्री बिपाशा बसुसँग सन् २०१६ विवाह गरेका थिए।
