'चल मेरे भाइ' र 'साजन' जस्ता फिल्ममा एकसाथ काम गरेका अभिनेता सलमान खान र सञ्जय दत्त फेरि एकसाथ काम गर्दैछन्।
उनीहरूले २५ वर्षपछि एकसाथ काम गर्न लागेका हुन्। केही समयअघि सलमानले 'सिकन्दर' को प्रेस मिटमा उक्त कुरा बताएका हुन्। सञ्जयले पनि यस कुरा पुष्टी गरेका छन्। 'सानो भाइ सलमानसँग काम गर्न निकै खुसी हुनेछु,' उनले भारतीय सञ्चारमाध्यम दैनिक भास्करसँग भनेका छन्।
सञ्जयले सलमानको फिल्म 'सिकन्दर' को बारेमा कुरा गर्दै भने, 'सलमान मेरो सानो भाइ हो। उसको लागि प्राथना गर्छु। भगवानले उसलाई धेरै दिनुभएको छ। यो फिल्म सुपरहिट हुनेछ।'
एआर मुरूगदासले निर्देशन गरेको फिल्ममा सलमान खान र रश्मिका मन्दनाको मुख्य भूमिका छ। यो फिल्म मार्च ३० आजदेखि प्रदर्शनमा आएको छ।
