अभिनेता आमिर खान बलिउडका मिस्टर परफेक्शनिस्ट भनेर चिनिन्छन्।
उनले यस पहिचान पाउन खुब मिहेनत गरेका छन्। उनको फिल्म 'कयामत से कयामत तक' बक्स अफिसमा ब्लकबस्टर भएपछि उनको दिन फेरियो। यस फिल्मपछि उनलाई एक दुई मात्र नभई ४०० फिल्मको अफर आयो।
आमिरले हालै एक फिल्म फेस्टिभलमा भनेका छन्, 'जब म आफ्नो करियरको सुरूआतमा थिएँ। तब म जुन फिल्मको लागि हुन्छ भन्थे त्यसबाट सन्तुष्ट पाउँदिनँ थिएँ। तर मेरो फिल्म कयामत से कयामत तक ब्लकबस्टर भयो। त्यतिबेला मेरो भाग्य नै परिवर्तन भयो। म इमानदारिताका साथ भन्छु त्यतिबेला मलाई ४०० फिल्मको अफर आएको थियो।'
उनले थप्दै भने, 'त्यतिबेला एक अभिनेता ३० देखि ५० फिल्ममा काम गर्थे। त्यही देखेर मैले पनि १० वटा फिल्म साइन गरेँ। जब फिल्मको छायांकन सुरू भयो, त्यतिबेला थाहा पाएकी मैले ठूलो गलती गरेँ। म एक दिनमा तीन शिफ्ट्समा काम गर्थे। म खुश थिइनँ। घरमा आएर रून्थे। तर मैले त्यस समयमा सिकेकी राम्रो स्क्रिप्ट मात्र होइन, निर्देशक, निर्माता र उनीहरूको विचार पनि त्यतिकै आवश्यक हुन्छ।'
