दक्षिण भारतीय अभिनेता अल्लू अर्जुन अभिनीत फिल्म 'पुष्पा २' ले बक्स अफिसमा तहल्का मच्चाइरहेको छ।
भारतीय सञ्चारमाध्यम दैनिक जागरणका अनुसार 'पुष्पा २' ले २९ दिनमा विश्वभरबाट १७९९ करोड भारू कमाएको छ। भारतबाट मात्रै फिल्म ११८९ करोड ८५ लाख भारू कमाएको छ।
यस फिल्मले हिन्दी संस्करणमा मात्रै ७०० करोडभन्दा बढी कमाएको छ।
सुकुमार बान्द्रेडीको लेखन तथा निर्देशन रहेको फिल्ममा अल्लु अर्जुनसहित रश्मिका मन्दना, फरद फासिल, जगपति बाबु, धनुञ्जय, राव रमेश, सुनील लगायतको अभिनय छ। नवीन येर्नेनी र रविशंकर यममाञ्चिली फिल्मका निर्माता हुन्।
