बलिउड अभिनेता अभिषेक बच्चन र अभिनेत्री ऐश्वर्या राय लामो समयदेखि सम्बन्ध विच्छेदको खबरले चर्चामा छन्।
यसैबीच उनीहरू एकै पार्टीमा एकसाथ देखिएका छन्। पार्टीमा निर्माता अनु रंजन, आयशा जुल्का र ऐश्वर्याकी आमा वृन्दा राय पनि सहभागी थिए।
निर्माता अनु रंजनले सामाजिक सञ्जालमा पार्टीको केही तस्बिर सेयर गरेका छन्। जसमा अभिषेक र ऐश्वर्या एकसाथ देखिएका छन्।
निर्माता अनु रंजनले पार्टीको तस्बिर सेयर गर्दै लेखेका छन्, 'धेरै माया!'
उनीहरूको तस्बिर यतिबेला सामाजिक सञ्जालमा भाइरल भइरहेको छ। अभिषेक र ऐश्वर्या बिहीबार एक पार्टीमा सहभागी भएका हुन्।
ऐश्वर्या र अभिषेकले केही हप्ताअघि आफ्नी छोरी आराध्याका १३ औं जन्मदिन एकसाथ मनाएका थिए।
अभिषेक र ऐश्वर्याले सन् २००७ मा विवाह गरेका थिए। सन् २०११ मा ऐश्वर्याले छोरी आराध्यालाई जन्म दिएकी थिइन्।
