आइएमडिबीले इन्डियन मोस्ट पपुलर फिल्म स्टारको सूची सार्वजनिक गरेको छ।
उक्त सूचीका अनुसार अभिनेत्री तृप्ति डिमरी पहिलो स्थानमा छिन्। उनले शाहरूख खान, दीपिका पादुकोण र आलिया भट्टलाई समेत पछाडि पारेकी छन्।
यस उपलब्धिप्रति तृप्तिले खुशी जताएकी छन्। 'यो मेरो लागि निकै राम्रो पल हो। यो वर्ष मेरो लागि निकै राम्रो रह्यो। यस सम्मानका लागि आइएमडिबीलाई धन्यवाद,' उनले इन्स्टागाममा लेखेकी छन्।
यस सूचीको दोस्रो स्थानमा दीपिका पादुकोण, तेस्रो स्थानमा ईशान खट्टर, चौथो स्थानमा शाहरूख खान, पाँचौं स्थानमा शोभिता धुलिपाला, छैटौं स्थानमा शरवरी वाघ, सातौं स्थानमा ऐश्वर्या राय, आठौं स्थानमा सामन्था रूथ प्रभु, नवौं स्थानमा आलिया भट्ट र दशौं स्थानमा प्रभास रहेका छन्।
