दक्षिण भारतीय अभिनेत्री कीर्ति सुरेश विवाह गर्दैछिन्।
भारतीय सञ्चारमाध्यम नवभारत टाइम्सका अनुसार उनी १२ डिसेम्बरमा गोवामा विवाह गर्दैछिन्। कीर्तिले प्रेमी एन्टनी थाटिलसँग विवाह गर्न लागेकी हुन्। उनीहरू १५ वर्षदेखि प्रेम सम्बन्धमा थिए।
यतिबेला सामाजिक सञ्जालमा कीर्ति सुरेश र एन्टनीको विवाहको कार्ड भाइरल भइरहेको छ। 'हामी तपाईहरूलाई यो कुरा बताउन पाउँदा निकै खुशी छौं कि हाम्री छोरीको विवाह १२ डिसेम्बरमा हुँदैछ। हामी तपाईको आशीर्वाद र शुभकामनालाई सम्मान गर्छौ। साथै आशा गर्छौ कि तपाईहरू उनीहरूको लागि प्रार्थना गर्नु हुनेछ' कार्डमा लेखिएको छ, 'यदी तपाईहरू उनीहरूलाई आफ्नो आशीर्वादको वर्षात गर्न सक्नुहुन्छ भने हामी तपाईहरूको आभारी हुनेछौं। हार्दिक शुभकामना र धेरै माया।'
कीर्तिका हुनेवाला श्रीमान एन्टनी थाटिल पेसाले व्यवसायी हुन्।
कीर्तिले 'कल्कि २८९८ एडी' मा रोबोट बुज्जीको आवाज दिएकी थिइन्। अब उनी वरूण धवनसँग 'बेबी जोन' मा देखिने छिन्। यो उनको बलिउड डेब्यू फिल्म हो। 'बेबी जोन' तमिल फिल्म 'थेरी' बाट प्रेरित छ।
कीर्ति पछिल्लो समय सुमन कुमार निर्देशित तमिल फिल्म 'रघु थाथा' मा देखिएकी थिइन्।
