बलिउड अभिनेता नाना पाटेकर अभिनीत फिल्म 'वनवास' को ट्रेलर सार्वजनिक गरिएको छ।
सोमबार जी-स्टुडिओ युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा सम्पत्तिका कारण पारिवारिक सम्बन्धमा आएको खटपटलाई देखाइएको छ।
फिल्ममा नाना पाटेकर र उत्कर्ष शर्माको मुख्य भूमिका छ। फिल्मलाई अनिल शर्माले निर्देशन गरेका हुन्।
यो फिल्म २० डिसेम्बरदेखि हलमा प्रदर्शन हुनेछ।
