दक्षिण भारतीय अभिनेता अल्लू अर्जुनको फिल्म 'पुष्पा २' डिसेम्बर ५ देखि रिलिज हुँदैछ।
यो फिल्म विक्की कौशल अभिनीत फिल्म 'छावा' सँगै रिलिज हुने भनिएको थियो। तर छावाका निर्माताले फिल्मको प्रदर्शन मिति सारेका छन्।
हिन्दी फिल्म बजार विश्लेषक तरण आदर्शले आफ्नो एक्स अकाउन्टमार्फत फिल्मको रिलिज डेट सरेको जानकारी दिएका हुन्। यो फिल्म अब १४ फेब्रुअरी २०२५ मा रिलिज हुनेछ।
लक्ष्मण उतेकर निर्देशित फिल्ममा विक्कीसँगै रश्मिका मन्दाना, अक्षय खन्ना, आशुतोष राणा, दिव्या दत्तालगायत कलाकारको अभिनय छ।
विक्की र निर्देशक लक्ष्मणको यो दोस्रो सहकार्य हो। उनीहरूले सन् २०२३ मा रिलिज भएको फिल्म 'जरा हटके जरा बचके' मा एकसाथ काम गरेका थिए। लक्ष्मण उतेकरले 'मिमी' र 'लुका छुपी' जस्ता फिल्ममा निर्देशन गरेका छन्।
