बलिउड अभिनेता अभिषेक बच्चनको आगामी फिल्म 'आई वान्ट टू टक' को गीत सार्वजनिक भएको छ।
बिहीबार टाइम्स म्युजिक युट्युब च्यानलमार्फत फिल्ममा समावेश 'गुम हो कहाँ' बोलको गीत सार्वजनिक गरिएको हो। सार्वजनिक गीतमा अभिषेक बच्चन र जोनी लिभरलाई देख्न सकिन्छ।
यो गीतलाई ताबा चाकेले तयार पारेको हो। गीतमा ताबा चाकेको स्वर, संगीत र शब्द छ।
शूजित सरकार निर्देशित फिल्ममा अभिषेक बच्चन, अहिल्या बम्रो, जोनी लिभर, जयन्त कृपालनीलगायत कलाकारको अभिनय छ।
यो फिल्म २२ नोभम्बरदेखि प्रदर्शन हुनेछ।
