बलिउड अभिनेत्री श्रद्धा कपूरले दक्षिण भारतीय फिल्म 'पुष्पा २' को अफर अस्वीकार गरेकी छन्।
भारतीय सञ्चारमाध्यम नवभारत टाइम्सका अनुसार 'पुष्पा २' मा आइटम डान्सको लागि उनलाई प्रस्ताव गरिएको थियो। तर उनले अस्वीकार गरेकी छन्। अब 'पुष्पा २' को आइटम गीतमा अभिनेत्री श्रीलीला देखिने बताइएको छ। सन् २०२१ मा प्रदर्शन भएको फिल्म 'पुष्पा' मा सामन्था रूथ प्रभुले 'ऊ अंटावा' बोलको गीतमा आइटम डान्स गरेकी थिइन्।
सुकुमार निर्देशित फिल्ममा अल्लू अर्जुन र रश्मिका मन्दनाको मुख्य भूमिका रहनेछ। फिल्मलाई माइथ्री मूभी मेकर्सको प्रोडक्सन हाउसले रिलिज गर्नेछ।
यो फिल्म ५ डिसेम्बरदेखि प्रदर्शन हुनेछ।
