बलिउड अभिनेत्री दीपिका पादुकोण र अभिनेता रणवीर सिंहले आफ्नी छोरीको नाम राखेका छन्। उनीहरूले छोरीको नाम 'दुआ पादुकोण सिंह' राखेका हुन्।
दीपिका र रणवीरले आफ्नो इन्स्टाग्राम अकाउन्टबाट परिवारको तस्बिर सार्वजनिक गर्दै छोरीको नाम खुलासा गरेका छन्। जसमा उनीहरू रातो रंगको पहिरनमा देखिएका छन्। तस्बिरसँगै दीपिकाले छोरीको नाम किन दुआ राखेको भनेर खुलासा गरेकी छन्।
दीपिकाका अनुसार उनकी छोरी प्रार्थनाको नतीजा हो। प्रार्थना मतलब दुआ हो। त्यसैले उनले आफ्नी छोरीको नाम दुआ राखेकी हुन्।
दीपिकाले गत ८ सेक्टेम्बरमा छोरीलाई जन्म दिएकी थिइन्।
दीपिका र रणवीरले सन् २०१८ मा विवाह गरेका थिए। उनीहरूको पहिलो भेट फिल्म 'गोलियों की रासलीलाः रामलीला' को सेटमा भएको थियो।
दीपिका र रणवीरले 'रामलीला' बाहेक 'पद्मावत', 'बाजीराव मस्तानी' र '८३' मा सँगै काम गरिसकेका छन्। रणवीरको फिल्म 'सर्कस' मा दीपिकाले क्यामियो गरेकी थिइन्।
