भारतीय फिल्म 'कान्तारा' का निर्देशक तथा अभिनेता ऋषभ शेट्टीले आगामी फिल्म 'जय हनुमान' को फर्स्टलुक पोस्टर सार्वजनिक गरेका छन्।
दिवालीको अवसर पारेर उनले फिल्मको फर्स्टलुक पोस्टर सार्वजनिक गरेका हुन्। सार्वजनिक पोस्टरमा उनले भगवान श्रीरामको मूर्ति समातेको देख्न सकिन्छ। फिल्ममा उनले पवनपुत्र हनुमानको भूमिका निर्वाह गरेका छन्। फिल्मलाई प्रशान्त वर्माले निर्देशन गर्दैछन्।
पोस्टर सेयर गर्दै ऋषभले लेखेका छन्, 'क्रेतायुगका एक व्रत, जो कलियुगमा पूरा हुनेछ। हामी निष्ठा, साहस र भक्ति भावका साथ एक महाकाव्य प्रस्तुत गर्दैछौं। निर्देशक प्रशान्त वर्मा र निर्मातालाई सहयोग गरेर निकै खुशी छु।'
यो 'हनुमान' को सिक्वेल हो। 'हनुमान' बक्स अफिसमा ब्लकबस्टर सावित भएको थियो।
