बलिउड अभिनेत्री डिम्पल कपाडियाले हिन्दी फिल्ममा खुब नाम कमाएकी छन्।
आफ्नो दमदार अदाकारीले उनले दर्शकको मन जितेकी छन्। यतिबेला उनको एक भिडिओ सामाजिक सञ्जालमा भाइरल भइरहेको छ। जसमा उनले जुनियरसँग तस्बिर नखिच्ने बताएकी छन्।
हालै उनी 'गो नोनी गो' फिल्मको प्रिमियरमा पुगेकी थिइन्। जहाँ उनकी छोरी अभिनेत्री ट्विंकल खन्ना र अभिनेता अक्षय कुमार पनि सहभागी भएका थिए। त्यहाँ डिम्पलले केही पोज दिएकी थिइन्। फोटो पत्रकारहरूले ट्विंकलसँग तस्बिर खिच्न अनुरोध गर्दा उनले अस्वीकार गर्दै भनिन्, 'म जुनियरसँग पोज दिन्नँ। सिनियरसँग मात्रै।'
डिम्पल कपाडिया र उनकी छोरी ट्विंकल खन्नाको राम्रो सम्बन्ध छ। उनीहरू सामाजिक सञ्जालमा एक-अर्कासँग तस्बिर र भिडिओ सेयर गरिरहेका हुन्छन्। अब डिम्पल आफ्नो अभिव्यक्तिका कारण ट्रोलको शिकार भएकी छन्।
डिम्पल कपाडियाको दुई छोरी ट्विंकल र रिंकी खन्ना छन्।
