यश चोपडा निर्देशित फिल्म 'डर' लाई दर्शकले निकै रूचाएका थिए। यो फिल्म सन् १९९३ मा प्रदर्शन भएको थियो।
रोमान्टिक थ्रिलर फिल्मको कहानीदेखि लिएर गीत समेत दर्शकले मन पराएका थिए। फिल्ममा शाहरूख खानले खलनायकको भूमिका निर्वाह गरेका थिए भने सनी देओल र जुही चावला मुख्य भूमिकामा थिए।
यो फिल्ममा शाहरूखभन्दा अघि आमिर खानलाई प्रस्ताव गरिएको थियो। तर यस फिल्मबाट आमिर बाहिरिए।
आमिरले न्यूज १८ लाई दिएको अन्तर्वार्ता भनेका थिए, 'मलाई फिल्मको कहानी मन परेको थियो। यश चोपडासँग काम गर्न निकै उत्सुक थिए। तर मेरो एक सिद्धान्त छ फिल्ममा दुई नायक काम गरिरहेको छन् भने जोइन्ट नरेशन हुनुपर्छ। ताकि दुवै नायक आफ्नो भूमिकालाई लिएर सन्तुष्ट हुन्। अन्दाज अपना अपना क्रममा सलमान र मलाई जोइन्ट नरेशन दिइएको थियो। तर यस फिल्ममा यश जी जोइन्ट नरेशन दिन चाहदैनन् थिए। यसै आधारमा मलाई प्रोजेक्टबाट हटाइएको थियो।'
