नाग अश्विन निर्देशित फिल्म 'कल्की २८९८ एडी' ले बक्स अफिसमा धमाका मच्चाएको छ।
पहिलो पार्ट सफल भएसँगै निर्देशकले दोस्रो पार्टको बारेमा खुलासा गरेका छन्।
'यसको दोस्रो पार्टको काम भइरहेको छ। पहिलो पार्ट छायांकन गर्दै हामीले केही सिन छायांकन गरिसकेका थियौं। हामीले करिब २० दिनसम्म छायांकन गरेका थियौं तर योजना र सोचको मामिलामा अझै केही काम गर्न बाँकी छ। दोस्रो पार्ट पूरा हुन र रिलिज हुन पहिलो पार्टको तुलनामा कम समय लाग्ने छ,' उनले भने।
भारतीय सञ्चारमाध्यम दैनिक जागरणका अनुसार 'कल्की २८९८ एडी' निर्माण गर्न करिब पाँच वर्ष लागेको थियो।
फिल्ममा प्रभास, अमिताभ बच्चन, दीपिका पादुकोण, दिशा पाटनी र कमल हासनको मुख्य भूमिका छ। फिल्ममा विजय देवराकोन्डा, दुल्कर सलमानको केमियो भूमिका छ।
