अजय देवगन र रोहित शेट्टी बलिउडमा सबैभन्दा लोकप्रिय अभिनेता-निर्देशक जोडी हुन्। उनीहरूले एकसाथ थुप्रै हिट फिल्म दिएका छन्।
अब उनीहरू फिल्म 'सिंघम अगेन' मार्फत धमाका मच्चाउने तयारीमा छन्। रोहित शेट्टी निर्देशित कप युनिभर्सको फिल्म 'सिंघम अगेन' को छायांकन सकिएको छ।
रोहितले आफ्नो इन्स्टाग्राममा एक भिडिओ सार्वजनिक गर्दै उक्त कुरा सार्वजनिक गरेका हुन्। उनको र अजयको फिल्म 'सिंघम' प्रदर्शन भएको १३ वर्ष पुरा भएको छ। जसको खुसी रोहितले इन्स्टाग्राममा साटेका छन्।
'सिंघम अगेन' मा अजय देवगन, रणवीर सिंह, अक्षय कुमार, दीपिका पादुकोण, करीना कपूर खान, टाइगर श्राफ, अर्जुन कपूर, टाइगर श्राफलगायत कलाकारको अभिनय छ।
यो फिल्म 'सिंघम' को तेस्रो भाग भने रोहित शेट्टीको कप युनिभर्सको पाँचौ फिल्म हो। यसअघि उनको कप युनिभर्सको फिल्म 'सिंघम, सिंघम रिटर्न्स, सिम्बा र सूर्यवंशी' प्रदर्शन भइसकेका छन्।
