बलिउड अभिनेत्री अथिया शेट्टी र केएल राहुलले मुम्बईमा २० करोड भारूको फ्ल्याट किनेका छन्।
उनीहरूले मुम्बईको अपस्केल पाली हिल इलाकामा एक फ्ल्याट किनेका हुन्। यस इलाकामा अभिनेता आमिर खान पनि बस्छन्।
अथिया र केएलको अपार्टमेन्ट ३, ३५० स्क्वायर फिटमा फैलिएको छ। भारतीय सञ्चारमाध्यम नवभारत टाइम्सका अनुसार यस फ्ल्याटको रजिस्ट्रेशन १५ जुलाईमा गरिएको थियो।
अथिया र केएलसँग १३० करोड भारूको सम्पत्ति छ। उनीहरू मुम्बईको एक विलाशी घरमा बस्छन्। उनीहरूसँग केही लग्जरी कार पनि छ।
अथिया पछिल्लो समय फिल्म 'मतिचुर चक्नाचुर' मा देखिएकी थिइन्।
