भारतीय अभिनेत्री रकुलप्रीत सिंहका भाइ अमनप्रीत सिंह लागूऔषध ओसारपसार गरेको आरोपमा पक्राउ परेका छन्।
भारतीय सञ्चारमाध्यम बलिउड लाइफका अनुसार उनीसहित ३० जनालाई पक्राउ गरिएको हो। तेलंगाना एंटी नारकोटिक्स डिपार्टमेन्टले २.६ किलोग्राम कोकिन बरामद गरेको छ। जसलाई बेच्न हैदराबाद ल्याइएको थियो।
सन् २०२० मा सुशान्त सिंह राजपूतको मृत्युपछि ड्रग्स केसमा रकुलप्रीत सिंहको पनि नाम आएको थियो। तर उनीविरूद्ध ठोस केही प्रमाणित हुन सकेन।
यतिबेला रकुलप्रीत अभिनीत फिल्म 'इन्डियन २' प्रदर्शन भइरहेको छ। यस फिल्मलाई दर्शकले रूचाइरहेका छन्। यसपछि उनी 'दे दे प्यार दे २' र 'इन्डियन ३' मा देखिनेछिन्।
