बलिउड अभिनेत्री आलिया भट्ट अभिनीत फिल्म 'जिगरा' को प्रदर्शन मिति सार्वजनिक भएको छ।
अभिनेत्री आलियाले आफ्नो इन्स्टाग्राममा फिल्मको पोस्टर सार्वजनिक गर्दै उक्त जानकारी दिएकी हुन्। यो फिल्म ११ अक्टोबरदेखि प्रदर्शनमा आउनेछ।
'११ अक्टोबर २०२४ मा 'जिगरा' को साथ सिनेमाघरमा भेटौला,' आलियाले इन्स्टाग्राममा लेखेकी छन्।
पोस्टरमा आलियालाई एनिमेटेड अवतारमा प्रस्तुत गरिएको छ। उनको पोस्टरले दर्शकहरू उत्साहित भएका छन्।
यस फिल्ममा उनी सह-निर्माताको रूपमा पनि देखिएकी छन्। यो फिल्मको कथा बास्केटबल खेलाडी बारेमा हुनेछ। फिल्मको लागि आलिया बास्केटबल सिक्दैछिन्।
फिल्ममा आलियासँगै वेदांग रैनाको पनि मुख्य भूमिका रहनेछ।
