दक्षिण भारतीय फिल्म 'कल्की २८९८ एडी' बाट बलिउड अभिनेत्री दिशा पटानीको लुक्स सार्वजनिक भएको छ।
बिहीबार उनको जन्मदिनको अवसर पार्दै फिल्मको पोस्टर सार्वजनिक गरिएको हो। यस फिल्ममा दिशाको भूमिकाको नाम रोक्सी राखिएको छ।
निर्माताले दिशालाई जन्मदिनको शुभकामना दिँदै लेखेका छन्, 'हाम्री रोक्सी अर्थात दिशा पटानीलाई जन्मदिनको हार्दिक शुभकामना!'
दिशाको लुक्सले फिल्मप्रति दर्शकमा उत्साह बढाएको छ। हाल उक्त पोस्टर सामाजिक सञ्जालमा ट्रेन्ड गरिरहेको छ।
नाग अश्विनले निर्देशन गरेको फिल्म 'कल्की २८९८ एडी' मा प्रभास, दीपिका पादुकोण, अमिताभ बच्चन, कमल हासनको पनि मुख्य भूमिका छ।
यो फिल्म २७ जुनदेखि प्रदर्शन हुँदैछ।
