हरर फिल्म 'मंज्या' ले भारतीय बक्स अफिसमा राम्रो कमाइ गरिरहेको छ।
भारतीय सञ्चारमाध्यम दैनिक जागरणका अनुसार फिल्मले पाँच दिनमा २५ करोड ९९ लाख भारू कमाएको छ।
४ करोड भारू ओपनिङ गरेको फिल्मले दोस्रो दिन ७ करोड २५ लाख भारू, तेस्रो दिन ८ करोड, चौथो दिन ४ करोड र पाँचौं दिन २ करोड ७४ लाख भारू कमाएको हो।
आदित्य सरपोतदारले निर्देशन गरेको फिल्ममा शरवरी वाघ, अभय वर्मा, मोना सिंह, सत्यराज, अनय कामतलगायत कलाकारको अभिनय छ।
यो फिल्म मुंज्या नामको ब्रह्म राक्षसमा आधारित छ। जो मुन्नीसँग विवाह गर्ने आफ्नो अधुरो सपना पुरा गर्ने प्रयास गर्छन्।
