बलिउड अभिनेत्री श्रद्धा कपूर पछिल्लो समयकी व्यस्त अभिनेत्री हुन्।
उनलाई दर्शकले रूचाउनुको साथै निर्देशक निर्माताको रोजाइमा समेत पर्छिन्। हाल उनका हातमा सात वटा फिल्म छ। जसबाट उनले राम्रो चर्चा कमाउन सक्ने बलिउड फिल्मकर्मीको आशा छ।
उनी 'नो इन्ट्री २, भेडिया २, बागी ४, स्त्री २, चन्दु च्यापियन, नागिन, चालबाज इन लण्डन' फिल्ममा देखिँदैछिन्।
नो इन्ट्री २
यस फिल्ममा श्रद्धा कपूरसँगै अर्जुन कपूर, वरुण धवन, दिलजीत दोसाँझलगायत कलाकारको अभिनय रहनेछ। यो फिल्म सन् २०२५ को अन्तिममा प्रदर्शन हुनेछ।
भेडिया २
वरुण धवन र कृति सेननको फिल्म 'भेडिया २' मा श्रद्धाको केमियो भूमिका हुने बताइएको छ।
स्त्री २
श्रद्धा र राजकुमार रावको फिल्म 'स्त्री' लाई दर्शकले निकै रूचाएका थिए। अब उनीहरू दुवै जना 'स्त्री २' मा देखिँदैछन्।
चन्दु च्याम्पियन
कार्तिक आर्यनको फिल्म 'चन्दु च्याम्पियन' मा श्रद्धाको विशेष भूमिका छ।
बागी ४
टाइगर श्राफ र श्रद्धाको फिल्म 'बागी ४' को निर्माण तयारीमा छ।
नागिन
निखिल द्विवेदीको फिल्म 'नागिन' मा श्रद्धा कपूरको मुख्य भूमिका हुनेछ।
चालबाज इन लन्डन
यस फिल्ममा श्रद्धाको मुख्य भूमिका हुनेछ। तर फिल्मको प्रदर्शन मिति घोषणा गरिएको छैन।
