दक्षिण भारतीय फिल्म 'कल्की २८९८ एडी' को ट्रेलर सार्वजनिक भइसकेको छ।
यसैबीच फिल्ममा दक्षिण भारतीय अभिनेता दुलकर सलमानको विशेष भूमिका रहेको बताइएको छ। तर ट्रेलरमा उनलाई प्रस्तुत गरिएको छैन।
यसअघि फिल्ममा विजय देवरकोन्डाले अर्जुनको भूमिका निर्वाह गर्ने खबर बाहिरिएको थियो। हाल फिल्ममा दुलकर सलमानको पनि अभिनय रहेको खबर बाहिरिएको हो। फिल्ममा उनी मायथलोजिकल भूमिकामा देखिनेछन्।
फिल्ममा प्रभास, अमिताभ बच्चन, दीपिका पादुकोण, कमल हासन र दिशा पाटनीको मुख्य भूमिका छ।
यो प्रभासको करियरकै सबैभन्दा महँगो फिल्म हुनेछ। भारतीय सञ्चारमाध्यमका टाइम्स अफ इन्डियाका अनुसार फिल्मको बजेट ६०० करोड भारू छ।
नाग अश्विनले निर्देशन रहेको फिल्ममा अश्विनी दत्तको लगानी छ। फिल्मको कथा इन्डियन माइथोलोजीबारे हुनेछ।
यो फिल्म २७ जुन अर्थात असार १३ गतेदेखि प्रदर्शन आउने छ।
