बलिउड अभिनेता वरूण धवन र अभिनेत्री कियारा आडवानी अभिनीत फिल्म 'जुग जुग जियो' को सिक्वेल बन्ने भएको छ।
करण जोहरले निर्माण गरेको फिल्म सन् २०२२ मा रिलिज भएको थियो। हालै करणले यस फिल्मको सिक्वेल बन्ने बताएका हुन्।
भारतीय सञ्चारमाध्यम टिभी ९ का अनुसार 'जुग जुग जियो २' को काम सुरू भइसकेको छ। निर्देशक राज मेहता फिल्मको स्क्रिप्ट तयार पार्दैछन्।
'जुग जुग जियो' मा वरूण धवन, कियारा आडवानी, अनिल कपूर, नीतू कपूरलगायत कलाकारको अभिनय थियो। फिल्ममा दुई फरक पुस्ताका जोडीको प्रेमकथा देखाइएको थियो।
यसको सिक्वेलमा वरूण फेरि देखिनेछन्। त्यस्तै फिल्ममा टाइगर श्राफको अभिनय हुने बताइएको छ। तर फिल्ममा अन्य कलाकारको बारे खुलासा गरिएको छैन।
यो फिल्मको छायांकन २०२५ को अन्तिमदेखि सुरू हुनेछ।
