दक्षिण भारतीय अभिनेता प्रभास अभिनीत फिल्म 'कल्की २८९८ एडी' प्रदर्शनको तयारीमा छ।
यो फिल्म २७ जुनदेखि प्रदर्शन हुन लागेको हो। फिल्मको लागि अग्रिम टिकट बुकिङ खुला गरिएको छ। बुकिङ खुला गरेको २४ घन्टामै १ करोड १ लाख भारूको टिकट बिक्री भएको छ।
अग्रिम टिकट बुकिङ भारतमा नभई अमेरिकामा खुला गरिएको हो। अमेरिकामा २६ जुनदेखि नै यो फिल्म प्रदर्शन हुँदैछ। हाल ११६ हलमा फिल्मको टिकट बुकिङ खुला गरिएको छ।
अमेरिकामा 'सलार', 'केजिएफ' र 'बाहुबली' जस्ता फिल्मले राम्रो प्रतिक्रिया पाएका थिए। अब दर्शक प्रभासको 'कल्की २८९८' लाई लिएर उत्साहित देखिएका छन्।
नाग अश्विनले निर्देशन गरेको फिल्ममा प्रभास, अमिताभ बच्चन, दीपिका पादुकोण र कमल हासनको मुख्य भूमिका छ।
यो प्रभासको करियरकै सबैभन्दा महँगो फिल्म हुनेछ। भारतीय सञ्चारमाध्यमका टाइम्स अफ इन्डियाका अनुसार फिल्मको बजेट ६०० करोड भारू छ।
इन्डियन माइथोलोजीबारे फिल्मको कथा हुनेछ।
