भारतीय रियालिटी शो 'बिग बोस ओटिटी ३' अनिल कपूरले होस्ट गर्ने भएका छन्।
अघिल्लो सिजन सलमान खानले होस्ट गरेका थिए। हालै 'बिग बोस ओटिटी ३' को ट्रेलर सार्वजनिक गरिएको थियो। जसमा उनको अनुहार देखिएको छैन तर जियो सिनेमाले ट्विटरमा अनिल कपूरको तस्बिर सार्वजनिक गरेको छ।
जियो सिनेमाको ट्विटरमा लेखिएको छ, 'ठूलो पर्दामा राज गर्नेदेखि लिएर अब बिग बोसको घरमा राज गर्नेसम्म, अनिल कपूर खास छन्। २१ जुनदेखि सुरू हुने बिग बोस ओटिटी ३ मा उनको जादू हेर्नुस्।'
यस सिजनमा कृति सेननकी बहिनी नूपुर सेनन, अनुषा दांडेकर, तनुश्री दत्ता, हेमा मालिनीकी छोरी आहना देओल, संजय दत्तकी छोरी त्रिशाला दत्त, र ‘तारक मेहता’ का टप्पु अर्थात भव्या गान्धीलगायत देखिनेछन्।
