यशराज फिल्म्सको स्पाई युनिभर्सका फिल्मको चर्चा भइरहन्छ। यस युनिभर्सको फिल्ममा हरेक बलिउड कलाकार सहभागी हुन चाहन्छन्।
दीपिका पादुकोण, कट्रीना कैफपछि अब आलिया भट्ट यस स्पाई युनिभर्सको मुख्य अभिनेत्री बन्दैछिन्। यस फिल्मको छायांकन सुरू हुनुअघि आलियाको भूमिकाबारे खुलासा भएको छ।
भारतीय सञ्चारमाध्यमका अनुसार टिभी ९ का अनुसार आलिया एक अन्डरकभर एजेन्टको भूमिकामा देखिनेछिन्। दर्शक यस फिल्मका लागि उत्साहित देखिएका छन्।
आदित्य चोपडाले निर्माण गर्ने फिल्मलाई शिव रवैलले निर्देशन गर्नेछन्। निर्माण टिमले अन्धेरीमा वाईआरएफ स्टूडियोमा एक महिना छायांकन गर्ने योजना बनाएका छन्।
फिल्ममा आलियाको एक्सन सिन हुनेछ। फिल्मको सेटबाट कुनै पनि सामाग्री नबाहिरियोस् भनेर आदित्यले कडा सुरक्षा व्यवस्था गरेका छन्।
