बलिउड अभिनेता राजकुमार राव र अभिनेत्री जान्हवी कपूर अभिनीत फिल्म 'मिस्टर एण्ड मिसेज माही' ले बक्स अफिसमा राम्रो कमाइ गरिरहेको छ।
भारतीय सञ्चारमाध्यम दैनिक जागरणका अनुसार फिल्मले छ दिनमा २२ करोड ६० लाख भारू कमाएको छ।
फिल्मले छैटौं दिनमा १ करोड ७५ लाख भारू कमाउँदै २२ करोड ६० लाख भारू कमाएको हो। यसले पहिलो दिन ६ करोड ७५ लाख भारू कमाएको थियो।
फिल्ममा राजकुमार राव र जान्हवी कपूरलाई श्रीमान-श्रीमातीको रूपमा प्रस्तुत गरिएको छ। उनीहरू दुवैजनालाई क्रिकेटमा रूचि भएको देखाइएको छ।
शरन शर्माले निर्देशन गरेको फिल्मलाई जि-स्टुडियो र धर्मा प्रोडक्सनले निर्माण गरेको हो। यसअघि राजकुमार राव र जान्हवी कपूर फिल्म 'रूही' मा एकसाथ देखिएका थिए।
