बलिउड अभिनेता रणवीर कपूर र अभिनेत्री आलिया भट्टले नयाँ कार किनेका छन्।
उनीहरूले लेक्सस एलएम कार किनेका हुन्। जसको मूल्य २ करोड ५० लाख भारू बताइएको छ।
यतिबेला सामाजिक सञ्जालमा एक भिडिओ भाइरल भइरहेको छ। जसमा रणवीर र आलिया नयाँ कारमा आफ्नो घरमा गइरहेका देखिन्छन्।
केही समयअघि रणवीरले बेन्टले कन्टिनेन्टल जिटी-भि ८ कार किनेका थिए। जसको मूल्य ६ करोड भारू थियो। त्यस्तै उनले गतवर्ष रेन्ज रोभर कार किनेका थिए। जसको मूल्य ४ करोड भारू छ।
रणवीर पछिल्लो समय फिल्म 'एनिमल' मा देखिएका थिए। यो फिल्मले बक्स अफिसमा राम्रो कमाइ गर्नुको साथै रणवीरको पनि तारिफ भएको थियो।
उनी यतिबेला नितेश तिवारीको निर्देशनमा बन्ने फिल्म 'रामायण' मा व्यस्त छन्।
आलिया भट्ट आगामी फिल्म 'जिगरा' मा देखिनेछिन्। योसँगै उनी यशराजको स्पाई थ्रिलर फिल्ममा पनि देखिनेछिन्।
