बलिउड अभिनेता शाहरूख खान र अभिनेत्री काजोलको फिल्म 'दिल वाले दुल्हनियाँ ले जायंगे' सर्वकालिन ब्लकबस्टर फिल्म हो।
यस फिल्मलाई दर्शकले खुब मन पराएका थिए। यो भारतीय सिनेमा घरमा सबैभन्दा लामो समयसम्म चल्ने फिल्म हो। अहिले पनि यो मुम्बईको मराठा मन्दिर थिएटरमा प्रदर्शन भइरहेको छ।
हालै यो फिल्मले नयाँ इतिहास रचेको छ। बिबिसीको एशियाई नेटवर्कले ९० दशकका ५० सर्वश्रेष्ठ बलिउड गीत छान्न श्रोतालाई आमन्त्रित गरेको थियो।
सर्वसम्मतिमा सन् १९९५ मा प्रदर्शन भएको फिल्म 'डिडिएलजे' को 'तुझे देखा तो ये जाना सनम' बोलको गीत विजेता घोषित गरिएको थियो।
फिल्ममा शाहरूखले राज र काजोलले सिमरनको भूमिका निर्वाह गरेका छन्।
