किरण राव निर्देशित फिल्म 'लापता लेडिज' मार्च १ मा सिनेमाघरमा प्रदर्शन भएको थियो।
त्यसपछि यो फिल्म २६ अप्रिलमा ओटिटी प्लेटर्फम नेटफ्लिक्समा प्रदर्शन भयो। जसले कम समयमा एकदमै राम्रो भ्युज पायो।
यो फिल्म नेटफ्लिक्समा रिलिज भएको १ महिना पनि भएको छैन। तर फिल्मले १ करोड ३८ लाख भ्युज पाएको छ। यसले भ्युजको मामिलामा रणवीर कपूर अभिनीत फिल्म 'एनिमल' लाई पछि पारेको छ।
तर 'लापता लेडिज' ऋतिक रोशन अभिनीत फिल्म 'फाइटर' भन्दा पछि छ। 'फाइटर' २१ मार्चमा ओटिटीमा प्रदर्शन भएको थियो। यो फिल्मले १४ मिलियन भ्युज पाएको छ।
फिल्ममा स्पर्श श्रीवास्तव, नितान्शी गोयल, प्रतिभा रान्ता, रवि किशनलगायत कलाकारको मुख्य भूमिका रहेको छ।
