फिल्ममा अभिनेत्रीलाई भन्दा अभिनेतालाई प्राथमिकतामा राखिन्छ। आफूलाई अबल सावित गर्ने मौका अभिनेत्रीहरूले कम नै पाउँछन्।
यस्तै अवसरको खोजीमा छिन् अभिनेत्री कियारा अडवानी। उनी यस्तो भूमिकाको खोजीमा छिन् जसमा उनी सजावटी गुडिया बन्नु नपरोस्। अब कियारा फिल्म 'डन ३' र 'वार २' मा देखिँदैछिन्।
'मलाई यस्तो फिल्म खेल्न मन छ, जसमा कन्टेन्टसँग व्यापारको पनि मिश्रण हो। मलाई लामो समयदेखि एक्सन गर्न रहर थियो। यी दुई फिल्मले मलाई उक्त अवसर जुरायो। तपाईको कामले तपाईको असर छोड्छ,' उनले भनिन्, 'महिला भएको हिसाबले भन्दै छु यस समय म यस्तो भूमिका गर्न चाहन्छु जसको जिम्मेदारी पूरै मेरो काँधमा होस्। म पनि ब्लकबस्टर फिल्मको जिम्मेदारी उठाउन चाहन्छु।'
कियारा हालै कान फिल्म फेस्टिभलमा देखिएकी थिइन्। यस वर्षदेखि उनले काम फिल्म फेस्टिभलमा डेब्यू गरेकी हुन्।
कियारा 'डन ३' का लिडिङ लेडी बनेकी छन्। योसँगै उनी यशराज फिल्म्सको स्पाई युनिभर्सको फिल्म 'वार २' मा देखिँदैछिन्। फिल्ममा उनीसँगै ऋतिक रोशन र जुनियर एनटिआरको मुख्य भूमिका छ।
