बलिउड अभिनेता राजकुमार राव र अभिनेत्री जाह्नवी कपूर अभिनीत फिल्म 'मिस्टर एण्ड मिसेस माही' को ट्रेलर सार्वजनिक भएको छ।
आइतबार धर्मा प्रोडक्सन युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा राजकुमार राव र जाह्नवी कपूरलाई श्रीमान-श्रीमातीको रूपमा प्रस्तुत गरिएको छ। उनीहरू दुवैजनालाई क्रिकेटमा रूचि भएको देखाइएको छ।
शरन शर्माले निर्देशन गरेको फिल्मलाई जि-स्टुडियो र धर्मा प्रोडक्सनले निर्माण गरेको हो।
यो फिल्म ३१ मेदेखि प्रदर्शन हुनेछ।
यसअघि राजकुमार राव र जाह्नवी कपूर फिल्म 'रूही' मा एकसाथ देखिएका थिए।
