तेलुगु फिल्म निर्देशक मुकेश कुमार सिंह फिल्म 'कन्नप्पा' को तयारीमा छन्।
यो फिल्मको बजेट १०० करोडमाथि हुने बताइएको छ। कन्नप्पा तमिलको लोक कथामा ठूलो नाम हो। उनी शिवका भक्त थिए। जसले शिवलिंगमा आफ्नो एक आँखा निकालेर राखेका थिए। उनी आफ्नो दोस्रो आँखा पनि शिवलिंगमा अर्पित गर्न चाहन्थे। त्यतिबेला भगवान शिवले आएर रोकेको बताइन्छ।
कन्नप्पाको भूमिकामा विष्णु मंचू देखिँदैछन् भने शिवको भूमिकामा प्रभास र पार्वतीको भूमिकामा नयनतारा।
यस्तै 'कन्नप्पा' मा अक्षय कुमारको केमियो भूमिका हुनेछ। यो उनको तेलुगु डेब्यू फिल्म हुनेछ। यस फिल्मको लागि अक्षयले ६ करोड भारू लिएको बताइएको छ।
फिल्ममा महेश बाबूको पनि केमियो भूमिका हुने बताइएको छ। तर यसको आधिकारिक जानकारी दिइएको छैन। यस फिल्मका निर्माता मोहन बाबू हुन्।
यो फिल्मको छायांकन ९ मेदेखि सुरू भएको छ।
