बलिउड फिल्म 'लापता लेडिज' मा 'फूल' को भूमिकामा देखिएकी नितान्शी गोयल हालै मेट गाला २०२४ मा सहभागी भएकी थिइन्। जहाँ उनी रातो सारीमा पुगेकी थिइन्।
उनले मेट गालामा फिल्मकै लुक्स प्रयोग गरेकी थिइन्। आमिर खानको प्रोडक्सनले ट्विटरमा एक क्याप्सन पोस्ट गरेको छ, 'समयको बगैंचामा हाम्रो फूल फुल्दैछ। अहिलेलाई नेटफ्लिक्समा लापता लेडिज हेर्नुहोस्।'
यतिबेला सामाजिक सञ्जालमा नितान्शीको तस्बिर भाइरल भइरहेको छ। सामाजिक सञ्जाल प्रयोगकर्ता उनलाई 'ब्यूटीफूल' भन्दै तारिफ गरिरहेका छन्।
भारतीय सञ्चारमाध्यमहरूले यसको खुब प्रशंसा गरेर समाचारहरू लेखिरहेका छन्। तर यो तस्बिर फोटोसप गरेर बनाइएको बताइएको छ।
आमिर खान प्रोडक्सन्सको आधिकारिक ट्विटर ह्यान्डलबाट यो फोटो ट्विट गरिए पनि यो रमाइलोका लागि गरिएको बताइएको छ।
किरण राव निर्देशित फिल्म 'लापता लेडिज' मार्च १ मा प्रदर्शन भएको थियो। फिल्ममा स्पर्श श्रीवास्तव, नितान्शी गोयल, प्रतिभा रन्ता, रवि किशनलगायत कलाकारको मुख्य भूमिका रहेको छ।
