भारतीय कमेडियन कपिल शर्माको शो 'द ग्रेट इन्डियन कपिल शो' ले नेटफ्लिक्समा चर्चा बटुलिरहेको छ।
हालै उनको शोमा आमिर खान पुगेका थिए। अब शोमा सनी देओल र बबी देओल देखिँदैछन्। यस शोले चर्चा पाउनुको साथै कलाकारहरू महँगो पारिश्रमिक लिइरहेका छन्।
भारतीय सञ्चारमाध्यम डिएनएनका अनुसार अनुसार कपिल 'द ग्रेट इन्डियन कपिल शो' को पाँच एपिसोडको लागि २६ करोड भारू लिइरहेका छन्। जसअनुसार उनी एक एपिसोडको लागि ५ करोड भारू लिन्छन्। उनी टिभीमा सबैभन्दा धेरै कमाउने कमेडियनहरूको सूचीमा छन्।
यस शोमा ६ वर्षपछि फर्किएका सुनील ग्रोवरले पनि चर्चा पाइरहेका छन्। उनी एक एपिसोडका लागि २५ लाख भारू लिन्छन्।
दर्शकको बीचमा बसेर हसाउने अर्चना पुरन सिंह एक एपिसोडको १० लाख भारू लिन्छिन्।
शोको लागि कृष्णा अभिषेक १० लाख भारू लिन्छन् भने कीकू शारदा ७ लाख भारू र राजीव ठाकुर ६ लाख भारू लिन्छन्।
यो शो ३० मार्चदेखि नेटफ्लिक्समा प्रसारण भइरहेको छ। शोमा पहिलो अतिथिमा नीतु कपूर, रणवीर कपूर र रिद्धिमा कपूर उपस्थित थिए।
