'मिस्टर पर्फेक्सनिस्ट' भनेर चिनिन्छन् बलिउड अभिनेता आमिर खान।
तर अभिनेता आमिरलाई आफ्नो उपनाम खासै मन पर्दैन। हालै 'द ग्रेट इन्डियन कपिल शो' उपस्थित भएका आमिरले उक्त कुरा खुलाएका हुन्।
शोमा उनले आफूलाई 'मिस्टर पर्फेक्सनिस्ट' भनेर बोलाउने पहिलो व्यक्तिको नामसमेत बताए। उनलाई पहिलो पटक शबना आजमीले 'मिस्टर पर्फेक्सनिस्ट' भनेर बोलाएकी थिइन्।
आमिरले 'दिल' फिल्ममा अभिनय गरेपछि उक्त उपनाम पाएका थिए। यो फिल्म सन् १९९० मा प्रदर्शन भएको थियो।
इन्दर कुमारले निर्देशन गरेको फिल्ममा आमिरसँगै माधुरी दीक्षितको मुख्य भूमिका थियो। फिल्मले बजेटभन्दा १० गुणाबढी व्यापार गरेको थियो।
उनको पछिल्लो फिल्म 'लाल सिंह चड्ढा' बक्स अफिसमा फ्लम सावित भयो। अद्वैत चन्दनले निर्देशन गरेको फिल्ममा उनीसँगै करीना कपूर खानको मुख्य भूमिका छ।
यो फिल्म हलिउड फिल्म 'फरेस्ट गम्प' को आधिकारिक हिन्दी रिमेक हो। जसमा टम ह्याक्सले मुख्य भूमिका निभाएका थिए।
यसअघि आमिरको फिल्म 'ठग्स अफ हिन्दोस्तान' पनि बक्स अफिसमा असफल भएको थियो।
अब उनी फिल्म 'सितारे जमिन पर' देखिनेछन्। यो फिल्म सन् २०२४ को अन्तिमसम्म प्रदर्शन हुने बताइएको छ।
